Геровасили: Нема нови избори во Грција
Портпаролката на грчката Влада, Олга Геровасили, денеска ги демантира се почестите шпекулации дека во скоро време во земјата се можни нови предвремени парламентарни избори.
- Не е актуелно прашањето за евентуална нова коалиција или за нови избори, кажа Олга Геровасили во интервју за грчкиот весник „Епендиси“.
Таа појасни дека сегашната влада пред извесно време го добила мандатот од избирачите и дека успешно го исполнува договорот со меѓународните кредитори на земјата за спроведување на неопходните реформи.
Кревкото мнозинство од само три гласа во грчкиот Парламент и притисокот на кредиторите за поголемо намалување на пензиите ги засилија шпекулациите во земјата дека Владата нема да се задржи на власт и дека премиерот Алексис Ципрас може повторно да ги повика граѓаните пред гласачките кутии.
Ново на Сител
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата
-
ВО ЖИВО: Нема настава во сабота
-
Тема на денот со претседателот на ДИК, Александар Даштевски
-
ССК: Кога среда е неработен ден, сте ја изгубиле цела недела
-
Во Југоистокот на државата запишани 1547 болни и изнемоштени лица
-
ВО ЖИВО: Подготовки во ДИК
-
Гласање во затвор „Идризово“, запишани 887 избирачи