Германските пратеници изгласаа делумна забрана за носење бурка
Пратениците во Долниот дом на германскиот Парламент го изгласаа законот за делумна забрана носење бурка.
Станува збор за женска облека која ја носат муслиманските жени, со која не само што е покриено телото, туку и целосно е покриено лицето.
За законот да стапи во сила, сега е потребно тој да биде усвоен и во Горниот дом на Парламентот.
Според одредбите на законот, муслиманките не може да носат бурка на работните места, доколку се вработени во јавниот сектор, во судството и во армиските сили.
Германските десничарски партии, бараа од владата на канцеларот Ангела Меркел, целосна забрана за носење бурка на јавно место. Франција е единствената земја од европскиот Запад, каде бурката е забранета уште во 2011 година.
Повеќе од еден милион мигранти, дојдоа во Германија во изминатите 18 месеци, најголемиот дел од нив, од Блискиот Исток.
Мал број од германските муслиманки носат бурка, затоа што тоа не е облека која ја облекуваат жените во сите муслимански држави.
Забраната за бурката е донесена како потреба за интегрирање на мигрантите во стандардите на германското општество, но и од безбедносни причини, зошто целосно го затскрива идентитетот.
Германија беше изложена на неколку џихадистички терористички напади, од кои најтежок беше оној во Берлин, на божикниот пазар, кога џихадист, со украден камион влета меѓу купувачите и пешаците, убивајќи 12 лица.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот