Германската Влада ќе ги затегне процедурите за давање азил
Германската коалициска Влада постигна согласност за преземање мерки за затегнување на правилата за давање азил, изјави денеска вицеканцеларот и министер за економија и енергетика, Зигмар Габриел, цитиран од британските медиуми.
По разговорите на канцеларката Ангела Меркел со премиерот на провинцијата Баварија, Хорст Зеехофер, Габриел изјави дека лидерите на владеачката коалиција се договориле да воведат пакет мерки за зголемување на ефикасноста на напорите за справување со приливот од мигранти.
Според Габриел, пакетот предвидува мигрантите, кои ќе добијат ограничен бегалски статус, да не можат да доведуваат свои роднини во Германија во текот на следните две години.
Мерките, исто така, вклучуваат користење на специјални центри за брза обработка на документите на мигрантите, кои имаат реално мали шанси да добијат азил .
Согласно постигнатата спогодба Германија ќе ги прогласи Мароко, Алжир и Тунис за безбедни земји, што ќе значи дека кандидатите за азил од овие држави можат да бидат вратени во својата татковина по забрзана процедура, забележува ДПА.
Ново на Сител
-
Во Авганистан се загрозени 10 милиони деца поради недостиг на храна
-
Да продолжат разговорите со Бугарија, процесот да заврши со старт на преговорите за членство, порачуваат европските дипломати во земјава
-
Прв пат донесена Програма за водостопанство, од државниот буџет одвоени 916.000.000 денари
-
Да се донираат средства за обнова и реконструкција на ГТЦ „Глобал“ – Струмица, препорачува Владата
-
Вархеј: Се воспоставува механизам за пристап на вакцините до Западен Балкан
-
Нови 400 случаи на Ковид-19, 11 починати и 206 оздравени пациенти во изминатото денонoќие
-
Мицкоски: Власта не се консултира со опозицијата за пакетот мерки
-
Владата го утврди Предлог-Законот за изменување и дополнување на Законот за електронски комуникации