Германската Влада ја зајакнува контролата врз разузнавачките агенции
Германскиот владин Кабинет на својата денешна седница одобри предог закон за реформа на разузнавачките агенции, јави дописникот на МИА од Берлин,
Реформите, кои беа долго време одлагани, треба особено да ја зголемат владината контрола врз активностите за електронско и други видови на следење на лица, што предизвикаа неколку скандали во последниве неколку години.
Предлог законот на колаициската влада во Берлин се случува откако минатата година беше откриено дека Федералната разузнавачка агенција (БНД) и помагала на американската Агенција за национална безбедност (НСА) да ги шпионира европските сојузници, што предизвика незадоволство во јавноста и критики за канцеларката Ангела Меркел.
Германскиот Парламент за предлогот на Владата треба да расправа пред почетокот на својот летен одмор кон средината на јули.
Според владините предлози, БНД нема да може да шпионира земји членки на ЕУ и нивни граѓани, освен во случај на можни терористички активности, ниту пак нејзините агенти ќе можат да вршат економска шпионажа.
Предложениот закон содржи член кој предвидува формирање независно тело составено од судии од Уставниот суд и вработени во канцеларијата на сојузниот Јавен обвинител, кои ќе треба да дадат зелено светло за стратегиските шпионски активности надвор од Германија.
Во април оваа година шефот на БНД, Герхард Шиндлер поднесе оставка на својата позиција под притисок од сојузната влада. Според германските медиуми, тој си заминал поради несогласување со барањата да се спроведат реформи во службата.
Ново на Сител
-
ДЗС: Досега евидентирани 11.149 лица преку апликацијата за самопопишување
-
Стапуваат на сила новите санкции на ЕУ против четворица руски граѓани
-
Преку КОВАКС до крајот на мај ќе бидат испорачани околу 237 милиони вакцини во 142 земји
-
ВМРО-ДПМНЕ: Граѓаните денес од Заев очекуваа да видат план за борба против корупција, а видоа само млатење празна слама и заштита на криминалот
-
Истрагата за обидот за бегство на Мијалков мора да се спроведе до крај, за да извлечеме слабости, смета Заев
-
Николовски: Воспоставуваме ефикасен систем за борба против корупцијата
-
Истрагата ќе покаже кој потфрли со Мијалков, вели Заев
-
7 починати и 726 нови случаи на Ковид-19 во земјава