Германската министерка за одбрана поднесе оставка

Германската министерка за одбрана Кристин Ламбрехт денеска поднесе оставка до канцеларот Олаф Шолц, информира таа во соопштение за печат.

„Фокусирањето на медиумите на мојата личност веќе неколку месеци не дозволува воспоставување односи и објективни разговори за војниците, Бундесверот и насоката на безбедносната политика во интерес на германските граѓани“, се вели во соопштението на Ламбрехт.

Таа додаде дека напорната работа на војниците и на многу луѓе во нејзиното министерство мора да биде во прв план.

Сè уште не е објавено кој ќе ја замени.

Ламбрехт (57) беше министерка за одбрана од назначувањето на Шолц како канцелар во декември 2021 година.