Германската економија падна во рецесија

Германската економија малку ослабна во првиот квартал и падна во рецесија, денеска покажаа ревидираните проценки на Заводот за статистика, откривајќи силен инфлаторен притисок врз личната потрошувачка.
Сезонски и ценовно приспособениот бруто-домашен производ (БДП) во првите три месеци од годината падна за 0,3 отсто во однос на претходниот квартал кога вредносно ослабна за 0,5 отсто, покажуваат новите проценки на Дестатис.
Првата проценка покажа стагнација на активност на почетокот на годината.
Во однос на првиот квартал од минатата година, БДП е намален за 0,5 отсто во првите три месеци од годинава. Претходната проценка на Дестатис покажа пад на активноста од 0,1 отсто.
-Откако БДП-то веќе на крајот на минатата година се лизна во негативно подрачје, германската економија забележува два негативни квартали по ред, рече претседателката на Дестатис, Рут Бранд.
Ако економијата се намалува два квартали по ред, економистите зборуваат за техничка рецесија, потсетува агенцијата ДПА.
Високата инфлација ја лиши економијата од поддршка за личната потрошувачка, покажуваат новите податоци. Личната потрошувачка е намалена за 1,2 отсто во однос на крајот на 2022 година, кога се намали за 1,7 отсто.
Домаќинствата во првите три месеци од годинава помалку трошеле за храна и пијалоци, облека и обувки и за мебел, посочуваат статистичарите.
Иако растот на цените во последно време е забавен, априлската стапка на инфлација од 7,2 отсто се уште е висока.
Позитивни импулси беа бруто-инвестициите на компаниите и извозот, што бележат раст од 3,0 отсто, односно 0,4 отсто во однос на претходните три месеци.
Зголемени се инвестициите во градежниот сектор, поради поволните временски услови и инвестициите на компаниите во опрема како машини, уреди и возила.
Меѓународниот монетарен фонд (ММФ) и Европската комисија очекуваат германската економија годинава повеќе или помалку да стагнира, а германската Влада предвидува раст на активноста од 0,4 проценти
Ново на Сител
-

Отпушок од цигара причина за пожарот во ГОБ „8 Септември“, нема повредени
-

Потпишан петгодишен протокол за соработка со Универзитетот Тракија, обука за македонските здравствени работници во Едрене
-

Синдикалната минимална кошница за ноември 70.827 денари
-

Британската војска спроведува офанзивни кибер-операции против Русија, Кина, Иран и Северна Кореја
-

28-годишник од Чаир го запалил автомобилот на мајка си, се заканувал дека ќе го запали и станот
-

Спречен нелегален внес на 2,8 тони нејодирана сол која е забранета за увоз
-

Се сопнал од кофа и паднал во необезбедено лифтовско окно – две лица и две фирми обвинети за смртта на Кристијан Љушев во Охрид
-

Поголем К-15 за работниците годинава – минималниот износ достигна 19.415 денари, рокот истекува на 31 декември
