Германија ќе го искористи излезот на САД од Транс - Пацифичката трговска унија

 

„Ако Трамп започне трговска војна со Азија и Јужна Америка тоа ќе отвори можности за нас. Трамп мора да разбере дека економијата на САД за разлика од германската не е конкурентна“, изјави Габриел за весникот Ханделсблат пренесува дописникот на МИА од Берлин. 

Притоа Габриел ја критикува ја одлуката на Трамп да воведе 35 % царина за германските автомобили кои што се произведуваат во Мексико. 

Со извршнатанаредба на претседателот САД се повлече од трговското партнерство со 12 земји во Јужна Америка и Азија (ТТП) , потег кој го најави во предизборната кампања и кој според него е одличната работа за работниците. 

Според вицеканцеларот Габриел кој е и лидер на СПД и министер за економија и најверојатен ривал на Ангела Меркел за местото канцелар на идните федерални парламентарни избори, чекорите на Трамп не треба да ја загрижуваат Германија која не треба да се плаши од развојот на настаните затоа што е високо успешна и технолошки развиена земја  со умни компании и работливи луѓе. 

Германија заедно со Кина е најголемиот фаворит да го ја пополни празнината на пазарите која што може да се отвори со повлекувањето на САД од ТТП а некои од економските експерти се залагаат во тој чекор Германија да соработува со Кина која што не беше дел од трговскиот договор.