Германија: Десетици сириски бегалци купиле пасоши од луѓе кои со фалсификувани документи ги снабдиле и париските терористи
Во Германија во моментов се наоѓаат десетици бегалци, кои во земјата влегле со фалсификувани сириски пасоши. Тие пасошите ги добиле од истите криминалци кои овие документи им ги продале и на париските терористи, пренесе ТАСС, повикувајќи се на денешниот број на германскиот весник „Билд“.
Весникот оваа информација ја добил од владини извори.
Германските служби за безбедност знаат за постоењето на овие бегалци, но немаат информации каде во моментов се наоѓаат имателите на овие пасоши, бидејќи тие веќе ги напуштиле имиграциските центри. Потрагата по нив е усложнета од фактот дека при влез во Германија не им биле земени отпечатоци од прстите, пишува „Билд“.
Претходно германските медиуми информираа дека борци на Исламска држава се занимаваат со продажба на сириски документи.
Џихадистите во Сирија, на териториите што ги контролираат, дошле до празни влошки за пасоши, во кои со специјална опрема се впишуваат неопходните податоци и се додаваат фотографии. На црниот пазар таков еден сириски пасош чини од 1.000 до 1.500 долари.
Ново на Сител
-
ФА го обвини судијата Кут поради коментарите за Клоп
-
Предлог-одлука за прераспределба на средства помеѓу буџетските корисници во собраниската Комисија за финансирање и на пленарна седница
-
Осум лица, меѓу кои четири деца евакуирани од Израел
-
Израел им забрани на граѓаните да ја напуштат земјата со авион
-
За упис на средношколци во дуалното образование 269 дуални паралелки и 6.725 слободни места
-
Исклучен Термоблок 2 во РЕК Битола поради заштитна рекција, поведена е истрага
-
Полицијата ќе врши вежбовно гаѓање со боева муниција на стрелиштето во Охрид
-
Русија: Северна Кореја испраќа 6.000 војници за обнова на Курск