Герасимовски: Нема отстапка за прекршителите на законите, Водно останува заштитено од уништување
Горан Герасимовски, кандидатот на СДСМ за градоначалник на Општина Центар, денес ја посети локацијата каде сопственици на земјиште на Водно кое се водело како земјоделско, почнале да го рамнат со намера на истото да градат. Градежните активности на оваа локација беа сопрени по брзата реакција на Општина Центар која веднаш спроведе инспекциски надзор со кој беше констатирано прекршување на законот по што беа изречени казни на сопственикот. Герасимовски денеска ги увери граѓаните близу оваа локација дека Водно повеќе нема да доживее ниту една злоупотреба.
„Предолго Водно беше насилно злоупотребувано и уништувано од ВМРО-ДПМНЕ. Штетите кои се досега направени се огромни и не смееме да дозволиме ниту една понатамошна злоупотреба. Мојот клучен фокус како градоначалник е да ги зајакнеме инспекциските служби но и соработката со граѓаните кои мора да алармираат за можни злоупотреби. Брзо и ефикасно постапување по пријавите како што тоа денес го направи Општина Центар мора да има за секое можно отстапување од плановите и дозволите за градба. Тоа е клучот до добра урбанизација и заштита на општината“ - истакна Герасимовски.
Во конкретниот случај извести Герасимовски се работи за 4 парцели во приватна сопственост, кои се надвор од Деталниот урбанистички план и од Генералниот урбанистички план и се водат како земјоделско земјиште, односно лозја. На овие локации вели тој не е предвидена никаква градба ниту пак населба поради што сопственикот од општина Центар ќе добие и решение итно да го врати земјиштето во првобитна состојба.
Тој исто така порача дека уште во првата година од мандатот ќе направи целосна реорганизација на инспекциските служби и ќе го зголеми нивниот капацитет со цел ефикасна работа и брза реакција која е нужна за зголемување на довербата на граѓаните во општината. Герасимовски особено ја потенцира и важноста од навремената реакцијата на граѓаните кои се најблизу до случувањата при прекршувањето на законите.
СДСМ
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова