Генералниот секретар на Светската царинска организација Микурија во посета на земјава
Генералниот секретар на Светската царинска организација (СЦО), Кунио Микурија во периодот од 21 до 23 октомври 2019 година ќе престојува во официјална посета на Република Северна Македонија.
Тој во земјава ќе присуствува на конференција на Светската царинска организација – ПИКАРД (Партнерство во царинското истражување и развој), чиј домаќин е Царинската управа на Република Северна Македонија.
– Конференцијата, под покровителство на СЦО годинава се одржува во Скопје, што претставува уште едно признание за напредокот во царинското работење во државава и интезивната соработка со СЦО и нејзините држави членки. На конференцијата се очекуваат околу 200 гости од повеќе од 50 земји, царински експерти и академици кои ќе ги презентираат своите истражувачки трудови на темата на годинешната 14-та ПИКАРД конференција „Паметни граници за непречена трговија, патување и транспорт“, соопштија од Царинската управа.
Изборот на Светската царинска организација, Република Северна Македонија да биде земја домаќин на оваа престижна конференција, велат од Царинската управа, е потврда за реформскиот напредок и посветеноста на Владата, Министерството за финансии и Царинската управа за вклучување во глобалните синџири на светската економија, модернизација на царинското работење и олеснување на трговијата.
Во рамки на посетата Микурија ќе има и билатерални средби со премиерот Зоран Заев и министерката за финансии Нина Ангеловска. Посетата ќе ја искористи и за средба со бизнис заедницата и состанок со претседателот на Стопанската комора, Бранко Азески.
Како симбол на пријателство, во рамките на агендата на генералниот секретар Кунио Микурија, предвидено е и засадување на дрвца во дворот на Царинската управа на Република Северна Македонија со министерката за финансии Нина Ангеловска и директорот на Царинската управа Ѓоко Танасоски.
Светската царинска организација, основана во 1952 година како Совет за царинска соработка, е независно меѓувладино тело чија мисија е зајакнување на ефикасноста и ефективноста на царинските управи. Денес, во СЦО членуваат 183 царински управи од целиот свет кои заедно покриваат околу 98 отсто од вкупната трговска размена. Како светски центар на царинска експертиза, СЦО е единствената меѓународна организација компетентна за царински прашања.
Ново на Сител
-
Обвинетиот за нападот на градоначалничката Арсовска не се чувствува виновен, започна доказната постапка
-
18-годишен мотоциклист почина откако се судри со „бмв“ со швајцарски национални ознаки
-
Собранието ја констатира оставката на претседателката на ДКСК Татјана Димитровска
-
Поништен тендерот за набавка на 120 електрични еколошки автобуси за јавен превоз
-
Привршува рокот за електронско пријавување за сместување во студентските домови
-
Претрес во Кочани, пронајден пиштол и марихуана
-
Директорка на училиште во Виница си ја вработила ќерката како професор по математика, иако немала соодветно образование
-
Активни седум пожари, три под контрола, пристигнува помош од Чешка и Словенија