Генерал Пакпур: Иран е подготвен силно да им се спротивстави на САД

САД треба да очекува силен отпор ако го потценат одбранбениот потенцијал на Иран, изјави денеска командантот на Револуционерната гарда, генерал Мохамад Пакпур.

Тој по завршувањето на тридневната воена вежба истакна дека тоа е „порака кон арогантниот свет да не прави никакви глупости“.

- Сите видоа со каква сила располага Иран, посочи генерал Пакпур.

Во соопштението на  Револуционерната гарда се наведува дека за време на воената вежба во централните и источните делови на земјата биле извршени пробни лансирања на „модерни ракети“ и биле употребени дронови.