Газда Дeко се жалел на чести претреси и барал смена на душек, не на нечовечко однесување - велат од затворот во Куманово

Затворот во Куманово демантираше тврдења дека притворениот газда Деко, обвинет во случајот со пожарот во дискотеката „Пулс“, бил изложен на нечовечко однесување.

Во дописот од затворот се наведува дека на 26 февруари 2026 година бил извршен разговор со притворениот, кој потврдил дека нема проблеми со службениците. Единствените забелешки на газда Деко се однесувале на чести претреси и на фактот што побарал да му се смени душекот.

Затворот истакнува дека доколку постои потреба од специјален душек, тоа мора да биде поткрепено со соодветна медицинска документација.