Фудбал У-16: Македонија го победи Лихтенштајн

 

 

 Македонската фудбалска репрезентација до 16 години со победа против соодветната селекција на Лихтенштајн го започна развојниот турнир на УЕФА кој се одржува во Скопје.

 

Младите фудбалери предводени од Горан Станиќ со 2:1 славеа на натпреварот одигран на тренинг центарот „Петар Милошевски“. Агон Елези во 10. минута и Џемал Ибиши во 50. минута беа стрелци на головите за македонската репрезентација. Во втората минута од второто полувреме Лукас Грабер го постигна погодокот за гостинската репрезентација.

 

Македонија доминираше, посебно во првото полувреме во кое Елези го постигна водечкиот гол. Шанса за удвојување на предноста имаше Кире Трпчевски, но не ја искористи сто процентната шанса. 

Во продолжението Лихтенштајн успеа да постигне изедначувачки погодок, но само три минути подоцна избраниците на Станиќ со одличниот гол на Ибиши ја вратија резултатската предност за победа на натпреварот.

 

Во воведниот дуел од турнирот репрезентацијата на Романија со 1:0 славеше против Израел.