ФТЦ го казни Фејсбук со пет милијарди долари
Федералната трговска комисија (ФТЦ) на САД и Фејсбук усогласија казна за социјалната мрежа во висина од пет милијарди долари поради незаконско споделување лични податоци на 87 милиони корисници со британската фирма „Кембриџ Аналитика“, објавија некои американски медиуми.
Во договорот за исплата на највисоката парична казна за некоја технолошка компанија досега, се наведуваат и други ограничувачки мерки во работата на социјалната мрежа.
Како што јави дописникот на МИА од Вашингтон, паричната казна наложена од ФТЦ берзите ја примија како добар знак за Фејсбук – откако се прошири информација за тоа акциите на компанијата се зголемија за два отсто.
Од Фејсбук претходно посочија дека биле измамени од „Кембриџ Аналитика“ која ги користела податоците на корисниците за политички проекти. Неодамна, Конгресот на САД соошти дека компанијата споделувала кориснички податоци со 52 компании.
Основачот на социјалната мрежа, Марк Закерберг, призна дека биле направени сериозни грешки во заштита на личните податоци и приватноста на корисниците.
Ново на Сител
-
Македонија ќе игра на ЕП во одбојка
-
СДСМ: 23 милијарди денари наменети за капитални инвестиции во 2021 година
-
ВМРО-ДПМНЕ: Стоп за попис по стандарди на Заев, стоп на политички попис спроведен со насилно-криминални мерки
-
Минусни температури во цела држава, на Попова Шапка -16 степени
-
Подготвен планот за вакцинација, првите вакцини од „Фајзер“ и преку КОВАКС следниот месец
-
Законот за попис пред гласање, опозицијата собира потписи да го поништи
-
За последните шест недели во светот од Ковид-19 умреле половина милион луѓе
-
Железничкиот транспорт лани со загуби од 512 милиони денари и двојно помалку патници