Франција на чекор до полуфинале, „Петлите“ го добија дербито со Шведска

Со цврста одбрана и фантастичниот Жерар на голот, Франција ја совлада Шведска со 17-23 и направи значаен исчекор кон полуфинале

 

Во тврд натпревар, актуелниот светски шампион го доби дерби дуелот со Шведска со 17-23 и стигна до максимални шест бода.

 

Франција постојано беше во позитива, но Шведска не му дозволуваше на противникот да се одлепи. Сепак, наместо драматична завршница, „Викинзите“ потфрлија во финишот, „Триколорите“ направија серија од 0-5, поведоа со 14-20 и практично тука беше решен победникот.

 

Најзаслужен за триумфот на Франција беше голманот Жерар, кој забележа 19 одбрани (53% успешносот). Сораиндо со пет погодоци од исто толку шутеви беше прв стрелец, а Мае реализираше четири гола.

 

Со оваа победа „Триколорите“ направија значаен чекор кон полуфинале, победа против Србија во понеделник ќе им донесе тикет за завршницата од Европското првенство.