-->
-->
Фотографии од снимањето на хит серијата „Парампарче“
-->
Турската серија "Парампарче" од самата премиера на Сител успеа да собере огромен број на гледачи пред телевизиските екрани кои секојдневно ја следат интригантната приказна за заменетите ќерки и распарчените семејства.
Ликот на таткото Џихан, мајките Ѓулсерен и Дилара и ќерките Хазал и Џансу станаа омилени ликови во милиони домови ширум Балканот, во арапските земји, а серијата се емитува и на државната телевизија во Шведска.
"Парампарче" е сторија за две несреќни судбини чии два различни света повторно ќе се вкрстат; од една страна е светот на сиромашната и самохрана мајка, а од друга несреќниот свет на богатиот и оженет бизнисмен.
Ова е неверојатна приказна за тешките одлуки и изборите кои треба да ги направи родителската љубов. Приказна за судбината која го спојува она што одамна е скршено.
Во борбата за вистината и во големото страдање, ќе може ли да ја откријат својата среќа? Ќе може ли да се засака друга мајка, освен онаа со која сме израснале? Што е подготвена една мајка да направи во име на љубовта кон своето дете?
Главните актери ги толкуваат едни од најголемите турски актерски имиња - Еркан Петекаја ("Бурни времиња", "Дила") и Нургул Јесличај ("Љубов и казна"), во улогите на Ѓулсерен и Џихан.
Освен интригантната приказна и одличната актерска екипа, серијата ја карактеризира и високобуџетната продукција во која е вклучена врвна екипа.
На продукцијата работеле по 130 луѓе, во постојани улоги се појавуваат околу 30 глумци, во споредни улоги околу 20, статисти со број над 300, а во секоја епизода може да се забележат околу 27 различни локации на снимање.
Покрај главните локации кои ги вклучуваат куќата на Ѓулсерен и луксузната отоманска вила на Џихан покрај Босфорот, се користеле уште 14 дополнително изградени сетови, а се снимало и во бројни паркови во Истанбул, ресторани, болници, затвори.
"Парампарче" се емитува на Сител телевизија, од понеделник до петок во 22 часот.
-->
-->
-->
Ново на Сител
-
Над седум милиони Американци ќе можат да добијат бесплатни лекови за прекумерна тежина
-
Долниот дом на Парламентот во Австралија го усвои предлог-законот за забрана за користење на социјалните мрежи за деца под 16 години
-
Германската компанија „Костел“ започнува трета фаза од инвестицискиот циклус
-
Шести обид бугарскиот Парламент да избере претседател
-
На сила стапи договорот за прекин на огнот во Либан
-
На Германија годишно и се потребни 288.000 странски работници
-
Михајловски: Среќен сум што донесов медал за Македонија
-
Продолжува амандманската расправа за Предлог-буџетот за 2025