Македонија
22. July 2019 - 19:28

Фолклорни ансамбли од три континенти на фестивалот „Илинденски денови“

Фолклорни ансамбли од три континенти ќе бидат дел од 49-то издание на фестивалот „Илинденски денови“ кое ќе се одржува од 24 до 31 јули во Битола.

-Од 24 до средината на идната седмица со различни манифестации ќе го одбележуваме фолклорот и ќе бидеме раскрсница на најразлични култури, а нашиот град ќе живее во звуците, песните, танците кои ќе бидат во нашиот град, изјави Маја Андоновска Илијевски, директор на Фестивалот.

-Фестивалот е повеќеслоен. Ова не е само песна и игра, ова е чување на традицијата, ова е пренесување на традицијата, зачувување на минатото во интерес на иднината, изјави Валентин Соклески, стручен соработник на фестивалот.