Филм на Нетфликс за Александар Македонски предизвикува контроверзии
Грчката министерка за култура Лина Мендони ја критикуваше новата серија на Нетфликс за Александар Македонски. Таа ја опиша продукцијата како содржина со „исклучително слаб квалитет“, и „исполнета со историски неточности“, со што наиде на согласност со тие оценки од повеќе страни.
Делот од „Александар: Создавањето на еден бог“ којшто предизвика најмногу негативни реакции е наводната, историски недокажана „романтична врска“ меѓу Александар Македонски и неговиот доверлив пријател Хефејстион. Според наводите, тоа е „искривување на вистината“, за што беше остро критикуван и филмот „Александар“ на Оливер Стоун од 2004 година, пренесува „Гардијан“.
– Изворите не посочуваат дека тие (односи меѓу Александар и Хефејстион, з.п.) ги надминуваат границите на пријателството, изјави министерката.
Прашана, дали Владата ќе преземе мерки против Нетфликс, Мендони посочи дека таков чекор би бил противуставен.
– Уставот на Грција ја штити слободата на уметноста од почетокот на 19. век. Министерството за култура не врши цензура, не врши дејствија што водат кон кривично гонење или забрана, не манипулира, не ограничува, не го контролира ширењето информации и идеи ниту превентивно, ниту репресивно, додаде Мендони.
Инаку, повеќе истражувачи се согласуваат оти древните извори не посочуваат дека Александар Македонски и неговиот близок пријател Хефејстион биле „љубовници“. Меѓу таквите историчари и познавачи се: Франциско Бринес, Сузана Каваљо, Томас Р. Мартин и Мерилин Б. Скинер.
Ново на Сител
-
Укината блокада на трите гранични премини меѓу Косово и Србија
-
Ангелов: Попладневните дождови помогнаа во гаснењето на пожарот во прилепско Мариово
-
Бод за македонската репрезентација од гостувањето во Фарски острови
-
Тројца малолетници лишени од слобода поради физички напад во Градски парк
-
Две лица од Кочани лишени од слобода поради сомнение дека извршиле убиство на нивниот сосед во неговиот дом
-
Средношколец од Скопје се заканувал на вработени во училиштето, оштетил инвентар
-
Николовски: Го поставивме лозаровинарскиот сектор како еден од најприоритетните во делот на поддршката од Владата и државата
-
Мелони и Зеленски разговараа за постигнување праведен мир и обнова