Филипче повторно повика пратениците да ја потпишат декларацијата на СДСМ за мигрантите

Претседателот на СДСМ Венко Филипче вечерва повторно апелира пратениците да ја потпишат предлог-резолуцијата поднесена од неговата партија за да се елиминираат, како што истакна, сите сомнежи за примање мигранти од Велика Британија во Македонија.
Филипче во гостување на ТВ Сител рече дека темата за мигрантите ја наметнаа релевантни британски медиуми, а Владата не ги демантирала.
-Зошто не ја потпишуваат нашата декларација, туку даваат друга во која повторно се манипулира со зборовите? Нека ја потпишат декларацијата што ја поднесовме и со тоа ќе ги расчистиме сите дилеми. Ние во ниту еден момент не сакаме да политизираме, ниту да добиеме некакви политички поени, туку сме само сериозно загрижени. Темата за мигрантите ја наметнаа релевантни британски медиуми кои во повеќе наврати кажаа дека постои договор меѓу нашата и британската влада тука да се носат мигранти за пари. Кога ние го видовме тоа, прво ја прашавме Владата, а кога видовме дека не одговара и почна да не напаѓа и информациите почнаа да излегуваат и во европски и во светски медиуми, тогаш интервениравме со многу чести прес-конференции. Владата во ниту еден момент не одговри, туку ги засили нападите врз мене лично и кон СДСМ, истакна Филипче.
Во предлог-резолуцијата на СДСМ, нагласи партискиот лидер, експлицитно стои дека Македонија нема да дозволи да се носат мигранти или економски работници од Велика Британија.
МИА
Ново на Сител
-

Запален автомобил во подземниот паркинг на К-мол во Ѓорче Петров
-

Заловени 96 говеда во Крива Паланка, АХВ се соочува со опструкции од поранешните сопственици
-

Македонските фудбалерки против Андора стартуваат во Лигата на нации
-

Руската вакцина против рак со охрабрувачки резултати кај првиот пациент, следуваат уште 120 пациенти до 2027 година
-

Вработен во ДЗС осомничен за примање поткуп од 32.000 денари, Обвинителството бара притвор
-

Вучиќ: Не можат да ме победат со аргументи, ќе се обидат да ме убијат, уапсат или лустрираат
-

Ужас на ГАК: На бебе старо два дена со ножици му отсекле дел од прст при отстранување инфузија
-

Струмичанец пријавен за измама: Зел 1.200 евра за миксета од Германија, но не ја испорачал
