Феникс Санс го отпуштија Буденхолцер по разочарувачката сезона
Кошаркарскиот стручњак Мајк Буденхолцер доби отказ од Феникс Санс, пренесува доверливиот НБА инсајдер, Шамс Шаранија.
Одлуката на клубот доаѓа по разочарувачката сезона во која Санс не ги исполнија големите очекувања. Тимот од Аризона, лигашкиот дел од шампионатот го заврши на 11. место со скор 36-40, што е девет победи помалку од лани.
За потсетување, стратегот ветеран водеше тимови со големи играчи, како Кевин Дурент, Девин Букер и Бредли Бил, но резултатите не ги оправдаа големите очекувања.
Раководството на „сонцата“ се уште нема соопштено кој би можел да биде нов тренер. Треба да се напомене дека Буденхолцер на почетокот на сезоната доби договор вреден 50 милиони, со времетраење од пет години.
На стартот од натпреварувачката година, искусниот стратег ја доби работата откако Френк Фогел доби отказ и беше елиминиран во првата рунда од плеј-офот. И овој пат Феникс не се прослави...
Буденхолцер е најпознат како тренер на Милвоки Бакс, со кој освои шампионски прстен во 2021. Исто така, како помошник помина 17 години на клупата на Сан Антонио Спарс. Тој ги водеше и Атланта Хокс.
Ново на Сител
-
Што содржи предлог-законот за ратификација на договорот со Обединетото Кралство?
-
Tема на денот со Изет Меџити, вицепремиер и еден од лидерите во ВРЕДИ
-
Што содржи предлог-законот за ратификација на договорот со Обединетото Кралство?
-
Кога Владата официјално ќе го предложи Азир Алиу за нов министер за здравство?
-
За три децении 18 министри за здравство – Tаравари со два мандати, Tодоров најдолго во министерската фотеља
-
Две обвиненија за скопските криминални банди - вршеле нарачани убиства, тргувале со дрога
-
Почна сослушувањето на родителите за трагедијата во „Пулс“
-
СДСМ обвинува за партиски зделки во МВР