Федерер бара остра казна за Кирјос

Третиот светски тенисер Роже Федерер е последниот од низа тенисери што го осуди потегот на Кирјос на турнирот во Монтреал.

Младиот Австралиец му порача на Вавринка на нивниот меѓусебен меч дека колегата од австралиската репрезентација, Кокинакис спиел со неговата девојка, Дона Векиќ.

Многу тенисери го осудија ваквото однесување на Кирјос а АТП го казни со 10 000 долари и покрена истрага по која младиот Австралиец би можел да биде суспендиран од турнирите.

За Федерер ваквото однесува во тенисот не е дозволива и дава лош пример за младите, затоа според Швајцарецот е потребна остра казна за Кирјос и да му се објасни дека така не може.