„Фатима“ на Францускиот филмски фестивал

Во рамки на 9. Француски филмски фестивал вечер во Скопје ќе бидат прикажани филмовите „Фатима“ и „Лето“, а утре на програмата е „Ни на небо ни на земја“. 

Во Охрид, пак, во Центарот за култура „Григор Прличев“, посетителите вечер ќе може да го гледаат „Три срца, а утре „Судија“.

Фестивалот почна завчера, со проекција на филмот „Патот за Истанбул“ на алжирскиот режисер Рашид Бушареб во кино „Милениум“. Го организираат Амбасадата на Франција и Францускиот институт со поддршка на Министерството за култура. 

Вчера во Скопје беа прикажани „Страв“ и документарецот „Утре“, а во Охрид филмот „Каприс“.

Годинашното мото на фестивалот е „Различна кинематографија“, а програмата, покрај проекции, предвидува и професионални средби со филмски работници.