Ф-1:Финецот Ботас го наследи Розберг во Мерцедес

Финецот Валтери Ботас е новиот возач на Мерцедес, објави во понеделник германскиот формула тим.

 

Дваесет и седумгодишниот фински возач, кој во екипата го наследи актуелниот светски шампион Нико Розберг кој се самопензионира, двапати во досегашната кариера завршил на подиумот на второто место, и тоа во 2014 година на Силверстон и на Хокенхајм.

 

Ботас во Формула 1 четири години помина во тимот на Вилијамс, а шефот на Мерцедес, Тото Волф, бираше меѓу него и Паскал Верлен.

 

На крај се одлучи за Финецот, што покрена реакција и во другите тимови.

 

Така, Верлен отиде во Заубер, додека местото на Ботас во Вилијамс го зазеде Фалипе Маса, кој се прости на крајот на мината сезона од натпреварувањата, но сепак одлучи повтоно да учествува.