-->
-->
Ф-1: Розберг обвинет за инцидентот со Хамилтон?!
-->
Шефот на Мерцедес, Тото Волф, го губи трпението кога се во прашање проблемите кои неговите возачи ги предизвикуваат на трките. Луис Хамилтон и Нико Розберг имаа контакт на Големата награда на Австрија, кога Британецот се обиде да го мине клупскиот колега од надворешната страна.Британецот успеа да победи, а Германецот поради проблеми со болидот заврши на четвртото место.
„Единствена опција е да биде ‘замрзнат’ редоследот во еден момент. Доколку тркањето без контакт е невозможно, тогаш имате вакви последици. Веќе ми е здодевно ова што го прават двајцата“, истакнал Волф, дополнувајќи дека не смета дека некој е виновен.
Инцидентот во Австрија беше втор на болидите на Мерцедес во последните пет трки, по сударот на ГН на Шпанија кога Хамилтон и Розберг уште во првиот круг ја завршија трката.
Инаку, за многумина виновник за инцидентот во Австрија е Розберг, кој исто така се наоѓа под истрага од дирекцијата на трката.
„За танго се потребни двајца, но сето тоа некаде мора да започне, а сé започнува со сопирање во свиок, каде еден тежок маневар предизвикува следен таков маневар и на крајот станува кошмар за сите. Не сакам никого да обвинам, тешко е да се каже кој е виновен. Имам свое мислење но нема да го кажам“, дополнил шефот на Мерцедес.
„Знаете, веќе ми стана здодевно да анализирам вакви ситуации. Не сакам повеќе да има судари“, дополнил Волф.
По трката во Австрија, Розберг остана лидер во генералниот пласман со 152 бода, само девет повеќе од Хамилтон.
Наредната трка ќе се вози во Силверстон, Велика Британија, на 10. јули.
-->
-->
-->
Ново на Сител
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа
-
Денеска е Светски ден на чоколадото
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија
-
МВР: Претреси на три локации во село Гајре, едно лице задржано на информативен разговор за убистото во Тетово