Евростат: Грција одвојува најмногу време за јадење од европските земји

Грција е европска земја која одвојува најмногу време во просек дневно за јадење, покажуваат податоците на Евростат.

Грците дневно во просек за храна посветуваат 2 часа и 13 минути. Потоа следат Французите, кои одвојуваат 2 часа и 12 минути и Шпанците со еден час и 59 минути. На четврто место се Турците кои дневно во јадење поминуваат еден час и 58 минути.

Петта е Италија, а шеста Холандија, каде што дневно се троши по еден час и 57 минути за конзумирање храна.

Во Луксембург и Србија јадењето одзема еден час и 54 минути дневно и според тоа се на седмо и осмо место. Во десетте земји влегуваат и Романија (еден час и 47 минути) и Белгија (еден час и 44 минути).