Европскиот првак го „прегази“ Мотор

Европскиот првак Вардар се пласира во осминафиналето од Лигата на шампионите откако попладнево убедливо со 38-28 го совлада украинскиот Мотор од Запорожје.

Црвено-црните добро го започнаа натпреварот и набрзина дојдоа до предност од 4-5 гола што и ја заокружија на крајот од првиот дел со резултат 16-11.

        Добрата игра на Вардар продолжи и во второто полувреме па во последните 10 минути на семафорот стоеше двоцифрена предност.

         Одличен натпревар одигра Сташ  Скубе со осум гола додека Чупиќ имаше шест, а Дибиров и Горбок запишаа по пет гола.

Во следната рунда „црвено-црните“ ќе гостуваат кај Порто (22 февруари), додека групната фаза се затвора на домашен терен против Монпелје (29 февруари).