-->
-->
Европска лига: Шест победи за македонските одбојкари
-->
Македонските одбојкари со шест победи од шест натпревари го освоија првото место во групата А од Европската лига и со максимален учинок го потврдија пласманот на завршниот турнир на 1 и 2.јули во Варна. Македонија како прва, аБугарија како домаќин се пласираа на завршниот турнир.
Македонија вечерва ја победи Бугарија со 3-1 (18:25; 25:21; 25:23; 27:25). Македонија е прва во групата со скор 6-0 (победи-порази), пред Бугарија со 4-2, Данска има 2-4, а Албанија 0-6.
Првиот сет вечерва им припадна на бугарските одбојкари, а потоа Македонија ги доби следните два со одлична игра со што беше исполнет условот да се освојат два сета за првото место во групата. Во овие сетови предводник на нашиот тим беше капитенот Никола Ѓорѓиев.
Во четвртиот сет селекторот Жарко Ристоски им даде шанса и на играчите од клупата, а првата постава остана на клупа. Своите минути ги искористија и најмладите Наков, Николовски и Илиев.
Во вториот дуел од групата Данска ја победи Албанија со 3-0.
Македонските одбојкари до вторник ќе имаат слободни денови, а потоа ќе продолжат подготовките за завршниот турнир и воедно ќе биде познат противникот од другата група каде прва е Естонија, а на второто место е Австрија.
-->
-->
-->
Ново на Сител
-
Над 7.500 ученици во Општина Аеродром добија бесплатни училишни униформи
-
Муцунски на Столтенберг му врачи Плакета за постигнатите успеси
-
Модуларната болница кај Инфективната клиника во Скопје ќе ја користат Затвор Идризово или Министерство за одбрана
-
Утре променливо облачно со повремен дожд, температура до 25 степени
-
Израел во состојба на готовност: Илјадници војници се префрлија на север поради страв од одмазда на Хезболах
-
Муцунски: Членството во НАТО придонесува за зајакнување на колективната безбедност
-
ЦУК апелира за редовно чистење на локалните одводни канали
-
Пациент почина на Инфективна поради компликации од Западно-нилска треска