Кошарка
9. April 2021 - 12:36

Евролига: Реал ќе игра плеј-оф

Реал Мадрид го декласираше Фенербахче со 97:63 сред Истанбул за да обезбеди место во плејофот во Евролигата, и да постави рекорд во европската елита со неверојатни 19 постигнати тројки.
 
„Кралскиот“ клуб водеше од стартот до финишот на мечот, покажувајќи неверојатна супериорност во првата и последната четвртина. Фабиен Касер (20 поени), Габриел Дек (19 поени) и Николас Лапровитола (18 поени и 10 асистенции), го предводеа Реал до неверојатна победа.
 
Кошаркарите на Пабло Ласо го завршија првото полувреме со ниту една загубена топка и седум офанзивни скока, постигнувајќи 19 поени по грешки на нивните противници.