Евролига: Ефес победи и во Каунас
Анадолу Ефес ја продолжува победничката низа во Евролигата на осум меча, откако на гости стигнаа до 74:68 победа над Жалгирис Каунас, кои пак сега имаат осум порази едноподруго.
Тибор Плајс и Василије Мициќ имаа по 18 поени за да го предводат турскиот клуб до нова победа. При 65:70 по положувањето на Мициќ, Жалгирис пропушти две шанси да ги казни загубените топки на противникот, по што Шејн Ларкин зголеми на 65:72, предност која се покажа како недостижна за Жалгирис. Ефес остануваат на врвот на табелата со 11-3 скор.
И Реал Мадрид ја продолжи победничката низа на 9 меча и се израмни со Ефес, откако изддржа за 76:67 победа над Олимпија Милано. Ентони Рендолф беше клучниот човек за „кралевите“ со 16 поени и 7 скока, додека Џордан Мики додаде 15 поени, а Факу Кампацо како и секогаш беше солиден со 12 асистенции, 7 поени, 3 скока и 3 украдени топки за мадридскиот клуб.
Додека овие два клуба не престануваат со победите, поразите се нижат за Фенербахче. Пред празни трибини во Атина, Панатинаикос со 81:78 го совлада тимот на Жељко Обрадовиќ, кој сега има 5-9 скор и мора да почне да победува ако сака плејоф.
Џимер Фредет имаше личен рекорд од 22 поени како најдобар кошаркар на ПАО, а посебно беа клучни неговите слободни фрлања (10-од-11). Панатинаикос имаат солиден 9-5 скор.
ЕВРОЛИГА, 14.КОЛО
Зенит Петерсбург – Макаби Тел Авив 71:82 (21:21, 9:10, 12:28, 29:23)
Жалгирис Каунас – Анадолу Ефес 68:74 (17:26, 26:16, 10:13, 15:19)
Панатинаикос – Фенербахче 81:78 (22:21, 20:25, 23:11, 16:21)
Реал Мадрид – Армани Милано 76:67 (18:21, 12:18, 24:13, 22:15)
Барселона – Асвел Лион 80:67 (22:19, 26:19, 15:18, 17:11)
Валенсија – Басконија 105:77 (19:19, 27:17, 23:22, 36:19)
Ново на Сител
-
Шолц вети дека поддршката на ЕУ за Украина нема да ослабне, и покрај посетата на Орбан на Москва
-
Муцунски: Заедничките активности на НАТО и ЕУ во регионот од суштинско значење за зацврстување на стабилноста
-
НЕПТУН слави 10 години на HAPPY програмата за лојалност
-
Гир и Дрекслер се надеваат на продолжување на дијалогот со новата Влада, по изјавите на Мицкоски дека амбасадорите се мешаат во внатрешните работи
-
Собранието ги избра делегациите за парламентарна соработка со меѓународни институции
-
Собранието ја избра Марина Димовска за генерален секретар
-
Михајловска: Годинашната средна оценка на матура 3,25, одлична по однос на објективноста
-
Приведен жител на Свети Николе, пронајдена дрога во неговиот дом