-->
-->
Евролига: ЦСКА Москва европски шампион
-->
Кошаркарите на ЦСКА Москва го освоија победничкиот трофеј во Евролигата по пауза од осум години. Тие синоќа во финалето на завршниот турнир во Берлин го победија Фенербахче по продолжение со 101:96.
Двете екипи одиграа натпревар со подеми и падови за на крајот од 40. минути резултатот да биде нерешен 83:83, па победникот да биде решен по дополнителни пет минути. А, се можеше да биде поинаку доколку Фенербахче го одбранеше последниот напад на рускиот шампион кој на полувреме имаше плус дваесет (50:30), по 30.минути 16 позитива (69:53) но на крајот мораше да се спасува со кош на две секунди до звукот на сирената. Второто полувреме турскиот тим го доби со 53:33.
Предводници до победата на московјаните беа Нандо де Коло со 22 и најкорисниот играч во финалето, Милош Теодосиќ со 19 поени.
Добар настап во поразениот тим имаше македонскиот кошаркар Перо Антиќ со 16 поени, исто колку и Екпе Удох и Луиџи Датоме. Најефикасен беше Боби Диксон со 17 поени.
За ЦСКА Москва ова беше седма титула шампион на Европа, додека Фенербахче и натаму е без трофеј во елитното натпреварување.
Во дуелот за 3.место Локомотив Кубан ја победи екипата на Лаборал со 85:75.
-->
-->
-->
Ново на Сител
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот
-
Малолетник претепан од три лица во Гази Баба
-
Малолетници фрлиле во височина соученик во тетовско училиште
-
Данска испраќа нов пакет воена помош за Украина во вредност од 750 милиони евра
-
Демири: Ако го суспендирав директорот на Токсикологија пред избори, ќе го сфатевте како политичка кампања