Евробаскет 2025: Германија прв финалист

Кошаркарите на Германија се првите финалисти на Евробаскет 2025 откако попладнево во првото полуфинале ја совладаа Финска со 98:86 (30:26; 31:21; 20:26 и 17:13). Во второто полуфинале вечерва играат Грција и Турција.

Кошаркарите на Финска подобро го почнаа натпреварот и поведоа со 14:6, но потоа на сцена беа играчите на светскиот првак Германија и до крајот на првиот период Германија го презеде водството – 30:26. На крајот на првиот дел беа и убедливи 61:47.

Во второто полувреме Финска успеа на ја намали негативата на шест поени (71:77), но не успеа да направи пресврт.

Најефикасни кај победникот беа Денис Шредер со 26 поени и Франц Вагнер со 22 поена.

Финска во недела со поразениот од дуелот Грција – Турција ќе игра натпревар за бронзениот медал. 

МИА