ЕУ: Референдумот во Република Српска нема законска основа
Европската унија денеска излезе со став дека вчерашниот референдум во српскиот ентите во Босна и Херцеговина, Република Српска, нема законска основа, јави дописникот на МИА од Брисел.
Сепак, преку портапролката на Европската комисија Маја Коцијанчич, официјален Брисел денеска ги повика институциите во БиХ да ги решат сите отворени прашања во рамки на постоечката уставна рамка и преку конструктивен дијалог, а ги повика и да се воздржат од активности што можат да доведат до ескалација на состојбата.
- Референдумот во Република Српска нема законска основа, бидјеќи Уставниот суд на Босна и Херцеговина одлучи да ја суспендира одлуката, додека не се одлучи за уставноста на референдумот. Овој реферндум не може да ја промени крајната и обврзувачката одлука на Уставниот суд во БиХ. Ние очекуваме и ги охрабруваме инситутциите во БиХ да ги решат сите отворени прашања во рамаки на постоечката уставна рамка и преку конструктивен дијалог. Важно е за сите страни да се воздржат од активности што можат да ескалираат и Босна и Херцеговина да се посвети на реформи во економската и социјалната политика што ќе ја приближи кон Европската унија, изјави Коцијанчич.
На вчерашниот референдум во Република Српска 99 проценти од излезените гласачи го поддржаа предлогот 9 јануари да се слави како ден на српскиот ентитет во БиХ, што од претходно за неуставен го прогласи Уставниот суд на земјата.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња