ЕУ останува на ставот за две држави и покрај мировниот план на Трамп
Европската Унија не го менува својот став во однос на израелско-палестинскиот конфликт и останува обединета во потрагата по заеднички прифатливо решение за двете страни, во согласност со меѓународното право.
Во реакцијата објавена утрово се вели дека ЕУ ќе ги разгледа и ќе даде своја проценка за предлозите на САД, но ќе остане обединета.
-Ова ќе биде направено врз основа на добро етаблираниот став на ЕУ и нејзината силна и обединета заложба за компромисно и одржливо решение за две држави кое ги зема предвид легитимните аспирации и на Палестинците и на Израелците, со почитување на сите релевантни резолуции на Обединетите Нации и сите договорени меѓународни параметри, е ставот на високиот претставник за надворешната политика на ЕУ, Јосеп Борел.
САД вчера го објави својот мировен план за конфликтот помеѓу Палестинците и Израелците, кој палестинската страна целосно го отфрла и де факто оневозможува создавање на одржлива палестинска држава.
Европската Унија не отстапува од ставот дека “единственото реалистично решение“ за конфликтот лежи во две држави и ги повика двете страни да се вратат на преговарачката маса.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка