ЕУ е подготвена да ја поддржи Шпанија во спорот со Алжир
Претставници на ЕУ денеска соопштија дека Унијата гледа на кризата во односите меѓу Шпанија и Алжир со „екстремна загриженост“ и е подготвена да ги брани интересите на своите членки.
Потпретседателот на Европската комисија Валдис Домбровскис и високиот претставник на ЕУ за надворешни работи Жозеп Борел во заедничка изјава рекоа дека одлуката на Алжир да го суспендира дводеценискиот договор за пријателство со Шпанија, кој може да ја прекине трговијата меѓу двете земји, делува како „кршење на Договорот за асоцијација ЕУ-Алжир, конкретно во областа на трговијата и инвестициите“.
– Тоа би довело до дискриминаторски третман на земјите-членки на ЕУ и негативно би влијаело на остварувањето на правата на Унијата според Договорот, се вели во соопштението.
Домбровскис и Борел повикаа на решение на спорот преку дијалог, додавајќи дека „ЕУ е подготвена да се спротивстави на какви било присилни мерки“ против членката на ЕУ.
Алжир го суспендираше договорот за пријателство откако шпанската Влада го промени ставот кон териториите на Западна Сахара.
Алжир го врати својот амбасадор во Шпанија во март, кога Мадрид ги поддржа обидите на Мароко да ја задржи власта во Западна Сахара. Алжир го поддржува Полисарио, движење кое се бори за независност на таа територија.
Ново на Сител
-
Рано е да се каже дали воениот конфликт меѓу Иран и Израел ќе предизвика ценовен шок, смета бизнисот
-
Градското собрание на Лос Анџелес ќе биде осветлено во боите на македонското знаме во сеќавање на жртвите од трагедијата во Кочани
-
Приведени три лица од Тетово, возеле со брзина поголема од дозволената
-
Приведен скопјанец, возел со 2,57 промили алкохол во крвта и предизвикал сообраќајка
-
Санкционирани 154 непрописно паркирани возила на територијата на Општина Центар
-
Банкомати со високи провизии за подигнување пари има низ целиот хрватски брег
-
Влада: За следната учебна 2025/2026 година ќе се доделат 1570 стипендии за дуалното образование, најголем број досега
-
Гувернер на САД: Уапсен осомничениот за убиството на политичарка и нејзиниот сопруг