ЕУ досега издаде над 591 милион ковид-сертификати
Во ЕУ досега се издадени 591 милион ковид-сертификати, соопшти портпаролот на Европската комисија.
Комисијата денеска го усвои извештајот за Дигиталниот сертификат за ковид на ЕУ и неговата имплементација низ ЕУ. Извештајот покажува дека сертификатот на ЕУ е клучен елемент во одговорот на Европа на пандемијата на Ковид-19, со генерирани повеќе од 591 милион сертификати.
Податоците на ЕК покажуваат дека сертификатите придонеле за двојно зголемување на бројот на цивилни летови во јули во споредба со истиот месец минатата година. Според портпаролот, европските сертификати се признаваат во 43 земји, од кои 16 се надвор од ЕУ. Тој додаде дека 60 странски земји сакаат да се поврзат со европскиот систем за сертификатите за да обезбедат меѓусебно признавање со нивните сертификати за вакцинирани, прележани и тестирани.
Портпаролот истакна дека ЕУ преговара со 27 од тие земји. Според него, 20 земји од ЕУ ги користат сертификатите не само за патување во Европа, туку и за домашни цели.
Следната проценка на валидноста на сертификатите се очекува на 31 март следната година, се вели во соопштението на ЕК. Прецизирано е дека дотогаш Комисијата може да предложи продолжување на користењето на сертификатите, во зависност од развојот на пандемијата.
Ново на Сител
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка