ЕУ бара напредок во преговорите со Велика Британија до почетокот на декември
Британската премиерка Тереза Меј и претседателот на Европскиот совет Доналд Туск денеска изјавија дека двете страни се уште не се подготвени во декември да ја почнат новата фаза во преговорите со кои Велика Британија ќе ја напушти Европската унија.
Меј и Туск имаa средба за време на самитот на Унијата во шведскиот град Гетеборг. Темите на кои преговорите се блокирани се правата на европските државјани во Велика Британија, статусот на границата со Ирска и исплатата на десетици милијарди што ЕУ ги бара од Лондон. Според Туск, двете страни мора да постигнат напредок по овие три теми најдоцна до почетокот на декември.
И претседателот на Европската комисија Жан Клод Јункер го осуди бавниот напредок во преговорите и порача дека „часовникот отчукува“.
Доколку Лондон и Брисел не успеат да постигнат договор, тогаш се очекува дека Велика Британија ќе ја напушти ЕУ без да има регулиран однос со Унијата, што може да предизвика потешкотии во меѓусебната трговија.
Ново на Сител
-
Агелер: Немате поголем поддржувач и партнер во остварување на вашите цели од САД
-
Еминем преку видеоспот објави дека ќе стане дедо
-
Подарок од срце за Светскиот ден на животните: dm донираше 678 килограми храна на три скопски прифатилишта за кучиња
-
Таравари вети вработување на половина од средно медицинскиот персонал што работи со договор на дело
-
Коцевска: Нема потреба од носење на Закон за амнестија, треба поголема примена на условниот отпуст со заштитен надзор
-
Расчистени повеќе диви депонии во општините Сарај, Карпош, Центар, Бутел и Чаир
-
Кликс: Најмалку 10 лица загинаа во поплавите во БиХ, побарана помош од Оружените сили
-
Македонски државјанин уапсен во Косово при обид заедно со други две лица со трактор нелегално да ја премине границата