ЕСМ набави струја за 2 недели - ќе плати 10,2 милиони евра

Над 10 милиони евра ќе плати ЕСМ за набавка на струја. Количините се за 2 недели, односно до крајот на месецот, за да се задоволат во целост потребите со електрична енергија.  Парите ќе завршат во 4 фирми, од кој 4,5 милиони евра ќе заработи ХСЕ МАК Енерџи, а 3,8 милиони Ген И Продажба на Енергија.

Струја мора да се набавува поради затекнатата кастарофална состојба на домашните капацитети, велат од ЕСМ. Хидропотенцијалите  работат со 13% од акумулираната енергија, што е далеку под просекот за овој период од годината.

Внимателно се следи состојбата и потребите од набавка ќе се прилагодуваат  во зависност од сопствениот располжлив производствен капацитет. РЕК Битола работи со само 2 блока, првиот  ќе биде вклучуван периодично,  односно во декември, јануари и февруари, затоа што ремонтот не е завршен. Него требаше да го направи претходното раководство  уште во март годинава, додаваат од ЕСМ. 

Инаку,  во моментов се чека и новата понуда од ЕСМ за цената на произведен мегават.  Ќе ја достават до Регулаторна за десетина дена, по што, по пресметките ќе се знае дали и колку ќе плаќаме повисоки сметки од 1 јануари. Премиерот Мицкоски веќе најави дека и покрај ваквите милионски набавки, големо поскапување не очекува. Ако има, ќе биде најмногу до 3 отсто.