ЕСМ ја крои новата цена, ќе поскапи ли струјата за домаќинствата?
ЕВН хоум го продолжи рокот на тендерот на кој треба да се обезбеди струја за домаќинствата за идната година. Ова било договорено на денешниот состанок меѓу РКЕ, ЕСМ, МЕПСО и претставници на владата во просториите на ЕВН.
Тендерот наместо до 25 ноември ќе трае до 2 декември. Според информации на Сител причина за продолжувањето е што државната ЕСМ нема да може до 25 да достави понуда, затоа што според информациите компанијата не знае колку електрична енергија ќе произведе бидејќи нема доволно јаглен и допрва ќе се навбавува.
Сител дознава и дека на последната владина седница месецов - на 30 ноември државната ЕСМ ќе бара и зголемување на производствената цена на електрична енергија која во моментов е 36 евра за мегават час.
Според законот за енергетика државните електрани треба да обезбедат 60% од потребите на струја до универзалниот снабувач.
Во меѓувреме МЕПСО ја доби сметката од Европа за влечењето на струјата од меѓународната мрежа. За октомври изнесува 16,5 милиони евра, а за јули, август, септември и октомври вкупно 18,5 милиони евра. Од компанијата очекуваат фактурата за ноември да биде помала затоа што сега се влече многу помалку струја од Европа во однос на претходниот период.
Ирена Чачкова
Ново на Сител
-
Почнува судењето против Васил Јованов кој пред 4 месеци смртно ја прегази Фросина на Партизанска
-
Уапсен убиецот кој пукаше во штипското кафуле и неговите помагачи во бегството, сите се турски државјани
-
СДСМ обвинува дека убиствата станаа секојдневние, Тошковски нема контрола над безбедноста
-
Москва одбележува 80-години од победата над фашизмот
-
9 мај - Ден на победа над фашизмот
-
Почна најмасовна волонтерска акција за чистење на отпадот - Генералка викенд
-
Младите се помалку се обучуваат за спасители на вода
-
Преглед на вестите од светот