Ердоган: Турција ќе воведе 5Г мрежа во 2026 година

Турција планира воведување на 5Г мобилна мрежа до 2026 година, изјави претседателот Реџеп Таип Ердоган по владина седница.

– Ќе организираме тендер за создавање на национална 5G комуникациска мрежа во 2025 година, со план да го добиеме првиот сигнал во 2026 година, изјави Ердоган.

Министерот за транспорт и инфраструктура, Абдулкадир Уралооглу, најави тестирање на 5G мрежи во Турција, соопштувајќи дека 30 организации веќе добиле дозволи за употреба, вклучувајќи го и Истанбулскиот аеродром.

Турција моментално има 87 милиони корисници на мобилни услуги, од кои речиси 81 милион користат 4,5G мрежа.

5G мрежата е најнова генерација на мобилна технологија која овозможува многу побрз интернет, подобра поврзаност и поддршка за напредни технологии како паметни уреди и автономни возила.