Ердоган: Турција ќе одржи референдум за членство во ЕУ

Турскиот претседател Реџеп Тајип Ердоган изјави денеска дека неговата земја на референдум ќе одлучи за членство во ЕУ.

Ердоган во интервју за индиска телевизија ја обвини ЕУ дека не е „ниту искрена, ниту чесна“ и ја остава Турција да чека пред нејзините врати.

- Турција ќе одлучува за тој евроинтеграциски пат на референдум, како Брегзит, истакна Ердоган, кој престојува во посета на Њу Делхи.

Односите на Турција со земјите членки на Унијата се влошија пред одржувањето на референдумот за уставни реформи, со кои се прошируваат овластувањата на претседателот.