Ердоган: Турција е оставена сама да се бори против џихадистите

Турскиот претседател Реџеп Таип Ердоган вчера ја обвини меѓународната коалиција која се бори против Исламска држава во Сирија дека неговата земја ја остави сама да се бори против џихадистите на своја територија.

- Не оставија сами во нашата борба против оваа организација која ја пролева нашата крв со самоубиствени напади и напади врз Килис, рече Ердоган, мислејќи на пограничниот турски град што редовно е цел на ракетни напади од Сирија.

- Во Сирија никој од оние кои велат дека се борат против Исламска држава не претрпе загуби како нас, ниту плати висока цена како нас, рече Ердоган.

Ердоган повторно ги искритикува европските земји, обвинувајќи ги за диктатура и бескрупулозност бидејќи своите граници ги држат затворени за мигрантите и бегалците, кои бегаат од судирот во Сирија.

Европските земји „немаат милост, ниту правда“, рече Ердоган, во обраќањето на фестивалот на краткиот филм под називот „Милост и правда“во Истанбул, наведуваат американските медиуми.