Ердоган повторно вети дека ќе се повлече доколку се докаже дека Турција купувала нафта од ИД
Турскиот претседател Реџеп Таип Ердоган повторно вети дека ќе се повлече од функцијата доколку бидат докажани тврдењата дека Турција купувала нафта од групата Исламска држава (ИД), пренесе ТАСС.
- Доколку биде докажано дека Турција купувала нафта од ИД, доколку тоа навистина се случувало, јас нема да останам на оваа претседателска должност. Ќе се повлечам, рече синоќа Ердоган пред бизнисмени во турскиот град Бурса.
Тој додаде дека познати се местата од кои Турција купува нафта. На прво место Турција купува нафта од Русија, на второ од Иран, на трето од Азербејџан, на четврто од Северен Ирак. Исто така, ние купуваме нафта од Алжир, Катар и понекогаш од Нигерија. Ние ги фативме шверцерите. Никогаш нема да дозволиме во Турција да има шверцувана нафта и гас, посочи турскиот претседател.
На почетокот на декември заменик министерот за одбрана на Русија, Анатолиј Антонов, го обвини семејството на турскиот претседател Ердоган дека купува нафта од терористите од ИД.
Ново на Сител
-
Тема на денот со доктор Катерина Мирчовска, директор на кочанската болница
-
Со владиниот авион ќе бидат евакуирани македонците кои се наоѓаат во Израел
-
Трет ден конфликт меѓу Израел и Иран, Трамп и Путин ја оценија состојбата како „многу алармантна“
-
Кочани на приоритетната листа за министерот за здравство - Алиу вели дека нема да оперира, туку ќе менаџира со системот
-
Процесот на рехабилитација на повредените во пожарот во Кочани е долг, скап и макотрпен
-
Обвинителството им стои на располагање на семејствата на жртвите
-
Зајкова бара собраниска седница зад затворени врати за престојниот НАТО Самит
-
Откриени 5 гробници издлабени во камен на локалитетот Крклари дел од заштитеното подрачје Маркови Кули