Ердоган ќе се сретне со Путин
Турскиот претседател Реџеп Тајип Ердоган денеска ќе престојува во еднодневна посета на Москва за време на која ќе се сретне со рускиот претседател Владимир Путин, јави ТАСС.
Според турски претставници, двајцата претседатели ќе разговараат за гасоводот „Турски поток“, сириската криза, нападите на терористичката групација Исламска држава и ситуацијата во Украина.
Главното внимание во разговорите се очекува да се насочи кон проблемите околу проектот за гасоводот „Турски поток„, кој Путин и го предложи на Турција наместо спорниот „Јужен поток“.
Планирано беше „Турски поток“ да биде отворен кон крајот на 2016 година. Неодамна Турција сепак објави дека ќе го замрзне проектот, обвинувајќи ја затоа руската страна.
Москва, пак, објави дека очекува проблемот да биде решен со новата турска влада, која ќе биде избрана по предвремените избори на 1 ноември.
Ердоган во Москва ќе присустува на церемонијата на отварање на реконструираната Соборна џамија во Москва, во пресрет на празникот Курбан бајрам.
Ново на Сител
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови