Ердоган ја обвини главната опозициска партија за „фашизам“
Турскиот претседател Реџеп Тајип Ердоган денеска ја нападна главната опозициска партија во земјата, нарекувајќи ја „олицетворение на фашизмот“ во услови на политички последици предизвикани од затворањето и разрешувањето на градоначалникот на Истанбул, Екрем Имамоглу.
Приведувањето на Имамоглу предизвика протести низ целата земја, додека неговата Републиканска народна партија (ЦХП) вети дека ќе ги прошири демонстрациите и ќе ги бојкотира бизнисите и медиумите за кои сметаат дека се усогласени со Ердоган.
-Ова не е ништо друго освен чист фашизам, рече Ердоган за повиците за бојкот на ЦХП во обраќањето пред парламентарната група на неговата партија во Анкара.
ЦХП повикува на неделни собири во Истанбул и на други места во Турција, барајќи ослободување на нивниот претседателски кандидат Имамоглу и предвремени избори.
Следните претседателски избори во Турција се закажани за 2028 година.
За вечер е закажан митинг во Истанбул. Студентските групи одделно повикаа на протести.
Ердоган денеска ја обвини ЦХП и дека манипулира со протестите на младите за политичка корист.
Имамоглу се соочува со обвиненија за корупција и тероризам кои тој ги негира.
Ново на Сител
-
Запленети над два тона сув цвет од канабис од објект на правно лице во Зелениково
-
Зеленски и Трамп разговараа за потенцијално заедничко производство на беспилотни летала
-
Прекин во снабдувањето со електрична енергија во дел од централното подрачје на Скопје
-
Путин не може да биде среќен од резултатите од Самитот во Хаг, смета Руте
-
Роналдо му се заблагодари на Пиоли по заминувањето од Ал-Наср
-
Виолетовата медуза повторно присутна во делови на Грција
-
Трамп ја потврди посветеноста на колективната одбрана на НАТО и го поздрави растот на трошоците за одбрана
-
Измени на Законот за воздухопловство, предлог да се зголеми на шест години финансиската поддршка за нови авиолинии