Ердоган до САД: Немаме потреба од вас
Турскиот претседател Реџеп Тајип Ердоган на средба со окружни гувернери во Анкара упати остри критики кон САД, обвинувајќи ги за заговор против Турција.
- Немаме потреба од вас. Доволно стоиме цврсто, порача Ердиган на средбата, додавајќи дека САД планираат „да формираат терористички коридор на јужните граници“ на Турција.
Станува збор за територите во северна Сирија, долж границата со Турција, кои се под контрола на групата Сили за заштита на народот на сириските Курди, која Анкара ја смета за терористички организација и огранок на Курдската работничка партија (ПКК).
Ердоган нагласи дека Турција води „втора ослободителна војна“ соочувајќи со удари „и од внатре и од надвор“, при што ги обвини САД дека ги користат своите „пиони“ за да и се спротивстават на земјата.
- Кој може да гарантира дека терористичкито коридор ќе е за борба против Исламската држава (ИД). Целта на терориситчкиот коридор е да се опколи Турција, додаде Ердоган.
Според него, САД се обидуваат да ја „турнат Турција на колена со примена на валкани планови и со помош на терористички органмизации“.
Ердоган најави и дека во иднина турската полиција повеќе нема да носи пиштоли од американско производство, туку полицијаците ќе бидат опремувани со оружје произведено во Турција.
Ново на Сител
-
Андоновска: Четворица вработени од Зоолошката градина ќе бидат ставени под здравствен надзор, а еден од нив утре ќе биде тестиран за птичји грип
-
Утре нова промена на цените на горивата
-
За неколку минути од Либан лансирани приближно 70 проектили кон Израел
-
Третпат снема струја на Куба
-
АХВ: ЗОО Скопје иако детектирало угинато животно, не постапила по законски процедури
-
Тешка сообраќајна несреќа во Охрид: Младо момче тешко повредено
-
На ГП Деве Баир лишен од слобода турски државјанин, покажал две фалсификувани зелени карти
-
Прекинато водоснабдување во делови на Центар