Емотивен говор во Струмица: Ана не е Македонка, но ја брани Македонија повеќе од некои кои се нарекуваат Македонци!
– Во Струмица по третпат се одржа протестен марш за поддршка на граѓанската иницијатива „За заедничка Македонија“. Од градскиот плоштад „Гоце Делчев“, граѓаните упатија пораки за зачувување на унитарноста на Македонија и против двојазичноста.
Пред присутните граѓани се обратија неколку говорници кои апелираа да се зачува унитарноста, јазикот, името и идентитетот.
Eмотивен настап на уметничка со црногорско потекло која живее во Струмица предизвика солзи во демонстрантите. Ана Филев жали за сите оние кои од внатре или од надвор ја растурат мирната Македонија исто како што континуирано ги влошуват односите помеѓу сите братски народи од регионот. Но, нашиот народ знае да се сплоти и да се обедини против секој непријател на заедничкото минато и иднина
– Еднаш ме прашаа што сакам од својот живот во иднината. Немав конкретен одговор, немав детали, само сакав да бидам среќна со човек кој ме сака, кој ја разбира уметноста, да живеам некаде, а тоа да не биде Црна Гора, во земја која има многу сончеви денови. Не знаев дека таа земја ќе има сонце дури и на нејзиното знаме. Не знаев дека таа земја ќе биде Македонија, земјата на Александар. Сега некој сака тоа сонце, да ми го украде мене, на Македонците, на моите деца. Сега некој сака зборот Македонија повеќе да не постои, рече Ана Филев, академска сликарка од Црна Гора.
Струмичани коментираа дека слушајќи ја Филева, може да се каже дека иако припаѓа на друг етникум ја брани Македонија повеќе од некои одредени Македонци.
Од градскиот плоштад, учесниците на протестот поминаа низ централното градско подрајче. Протестот помина мирно без инциденти.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња