Фудбал
8. August 2017 - 12:28

Ељиф Елмас дебитира за Фенербахче

 
 
Младиот македонски репрезентативец Ељиф Елмас, го имаше своето деби за новиот клуб Фенербахче. 
 
Турскиот гигант синоќа одигра пријателски натпревар против италијански тим Каљари, а нашиот репрезентативец настапи во целиот тек на второто полувреме. 
 
Како што пренесуваат медиумите во Турција, Елмас, бурно беше поздравен од присутната публика и за секој допир со топката добиваше овации од трибините. 
 
Мечот заврши во полза на турскиот гигант, а стрелец на единствениот гол беше француската ѕвезда, Валбуена.
 
Сепак, 17-годишниот македонски репрезентативец ќе мора да почека за своето официјално деби во новиот дрес, бидејќи има проблеми со строгите правила на ФИФА. 
 
Инаку, турскиот гигант е противник на македонскиот шампион Вардар во плејофот за место во групната фаза во Лига Европа.