ЕЛЕМ ги продолжи договорите за стипендирање на 12 студенти на Техничкиот факултет во Битола
Дванаесет студенти од Техничкиот факултет во Битола добија стипендии од АД ЕЛЕМ со кои ќе го продолжат своето школување. Станува збор за студенти од прва, втора и трета година кои веќе користат стипендии од АД ЕЛЕМ, а правото го стекнале со исполнување на критериумите предвидени во договорот, односно задржале просек не помал од осум.
На денешното доделување на стипендиите присуствуваше генералниот директор на АД ЕЛЕМ Драган Миновски, кој истакна дека компанијата се залага за тоа да им се даде до знаење на младите дека за нив има иднина во Македонија и дека институциите знаат да препознаат и да поддржат амбициозни и подготвени студенти.
Директорот на РЕК Битола, Васко Ковачевски, пак, ги повика младите своите знаења да ги стават во функција на развојот на македонскиот енергетски сектор.
На 25 јуни е распишан и конкурс за доделување на пет нови стипендии за студенти од прва година во учебната 2017/18 година. Можност за пријавување имаат студентите од електротехничкиот и машинскиот отсек, како и студентите од отсекот мехатроника кои оствариле просечна оценка не помала од осум, по завршување на првиот семестар. Финансиската поддршка од АД ЕЛЕМ за студентите од Техничкиот факултет изнесува 6.000 денари, во траење од десет месеци секоја академска година.
АД ЕЛЕМ секоја година доделува по 25 стипендии за новозапишани студенти во прва година на пет државни факултети во Македонија.
Ново на Сител
-
Аврамовска Мадиќ: Пристигнат само еден приговор, волјата на членовите на СДСМ е јасно и недвосмислено изразена
-
Точно ќе се знае за кој проект, колку пари ќе бидат наменети, вели Мицкоски за средствата што ќе им бидат дадени на општините
-
Тошковски: Нова полициска станица во oпштина Бутел, подобри услови за полициските службеници за поквалитетни услуги за граѓаните
-
Замениците министри ќе бидат познати до крајот на неделава, на владина седница утре укинување на економските директори
-
АМСМ: Од денеска до 31 август забрана за движење на тешки товарни возила при екстремно високи температури
-
Таравари: Работиме на решение за компресоприте во хируршките сали
-
УХМР: Утре нестабилно време со пороен дожд, грмежи и град
-
Владата планира разузнавачките служби да функционираат во една агенција