Експлозија во Косовска Митровица: повредени се 13 лица, меѓу нив и деца

Во експлозија на плинска боца во куќа во Косовска Митровица, повредени се 13 лица, соопшти косовската полиција.

Сите повредени, меѓу кои и деца, се префрлени на лекување во болница во јужниот дел на Косовска Митровица.

Експлозијата се случила околу 16 часот и 30 минути, а според првичните информации била предизвикана од неисправна плинска боца, пренесува Телеграф.