Експлозија во дворот на РТК во Приштина, нема повредени

Во дворот на Радиотелевизија Косово (РТК), во  непосредна близина на сателитските антени, синоќа експлодирала засега непозната експлозивна направа, соопшти телевизијата, наведувајќи дека никој не е поврдени, пренесе Фена.

Експлозијата се слушнала малку пред 22 часот.

Полицијата ја блокира зградата на телевизијата и бара докази за да утврди дали зградата на Радиотелевизија Косово била нападната со експлозивна направа.

Во моментот на експлозијата во просториите на РТК имало новинари и останати вработени кои се вознемирени од експлозијата, наведе Танјуг.